नेपाली संगीतका पाँच युगमा विशेष चर्चा हुने युग हो, नेपाली संगीतको स्वर्णिम युग । यो युगलाई क्रमबद्ध रूपमा हेर्दा २०१८ देखि २०३५ सम्म मानिन्छ ।
लगभग यो दुई दशकको समयावधिमा नेपाली संगीत आकाशमा धेरै यस्ता होनहार कलाकार आए, जसले नेपाली समाजलाई समृद्ध, सम्पृक्त र सशक्त बनाए । यसमा चार पक्षको सशक्त भूमिका रह्यो, गायक, संगीतकार, गीतकार र श्रोता समाज । नेपालीभाषी श्रोताले जमेर नेपाली गीतसंगीत सुने र तत्कालीन समाजमा हिन्दी गीतसंगीतलाई खुलेर बहिष्कार गरे । त्यसमा रेडियो नेपालको प्रमुख भूमिका रह्यो ।
रेडियो नेपाल स्थापनाको ठीक नौ वर्षपछि आएका यी कलाकारमध्ये नारायणगोपाल, माणिकरत्न, अरूणा लामा, अम्बर गुरूङ, बटुकृष्ण ज्वाला, बच्चुकैलाश, फत्तेमान राजभण्डारीको महङ्खवपूर्ण भूमिका रह्यो । यद्यपि योभन्दा एक दशकअघि आएका नातिकाजी, हरिप्रसाद रिमाल, उस्ताद भैरवबहादुर थापा, तारादेवी, कोइलीदेवी, धर्मराज थापा, प्रेमध्वज प्रधानको पनि महङ्खवपूर्ण कदम रह्यो भनें उस्ताद साइँला, मास्टर मित्रसेन, उस्ताद बद्री, मास्टर रत्नदासको देन अलग्गै रह्यो । नेपाली संगीतको स्वर्णिम युगमा आएका गायकगायिकाले राम्रा संगीतकार, गीतकार पाए । त्यस्ता भाग्यमानी गायकमध्ये फत्तेमान राजभण्डारी एक हुन् ।
(सभार: सम्झनामा फत्तेमन पुस्तकबाट)